Innidas sun sas alas,
chi gherran cun su 'entu,
in chelos jaros de sa pitzinnia,
cando sas nues malas,
s'inde lean s'appentu,
de mudare in tristesa, s'allegria.
Rampos chena fiore,
po s'incras benidore,
in canisteddos prenos de traschia.
Orizontes de dolu,
in custu 'eranu paren de consolu.

E su tempus che 'olat,
lassande solu orminas,
in rena 'e mare briva de colore;
t'abbratzat, ti consolat,
mudat su 'entu in frinas,
s'illusione, attesu, de s'arbore.
E s'ànimu est lezeri,
su sole presoneri,
d'atera notte iscura e de dolore.
Finas sa carre est muda,
in su prùere de sa pedra nuda.

Chircade àbbas noales,
de nues attunzinas,
chi calande lièras e tronosas,
muden cun sos chentales,
su prantu e sas ruinas,
de camineras tristas e dudosas.
Est tando chi s'ispera,
non est prus furistera,
sas tulas de sa vida prus nuscosas.
Sa bianca mistura,
at a suigher pane de bonura.

Sonniade pitzinnos,
àndalas de anelu,
e a banda lassade 'onzi chimera;
in sas nues sos sinnos,
mirade de su chelu,
ch' in sa vida bos fetan de lumera.

__________

Non cadete...

Son intatte le ali
che lottano col vento,
nei chiari cieli della giovinezza,
quando le nuvole
malvagie, si divertono,
a trasformare la tristezza in allegria.
Rami senza fiore,
per il domani che verrà,
in canestri pieni di burrasca.
Orizzonti di dolore,
che in questa primavera sembran di conforto.

Ed il tempo vola via,
lasciando solo orme,
nella sabbia del mare priva di colore;
t'abbraccia, ti consola,
trasforma il vento in brezza,
l'illusione, lontana, dell'albore.
L'animo è leggero,
il sole prigioniero,
di un'altra notte buia e di dolore.
Anche il corpo è muto,
sulla polvere della pietra nuda.

Cercate tenere acque,
di nuvole autunnali,
che nel venir giù rumorose e libere,
trasformino, con le costellazioni,
il pianto e le rovine,
di viali incerti, pieni di tristezza.
E' allora che la speranza,
non è più forestiera,
profumeranno le aiuole della vita .
La bianca mistura,
preparerà solo pane di bontà.

Sognate ragazzi,
sentieri di anelito,
e lasciate da parte ogni chimera;
cercate nelle nuvole,
i segni del cielo,
che vi faccian, nella vita, tanta luce.

Prima classificata al Cuncursu de poesia in limba sarda "Po Peppinu Mereu" - Tonara 2018