Muda est sa note
e su ’entu frimmu
gai
chi no s’intendet in chelu
una sisia.
No una frina
un’ischimizu
una ’oghe
o un’apeddada de cane
chi fetat a su tempus cumpanzia.

Solu sos puzones notarzos
in sas tuvas
s’intendent cantare a tantu a tantu
bichitende sas oras fuiditas
e prontos
a s’ammutire a onzi frusare
chi si ponzeret minetosu in bia.

E deo
in sa note chi no drommo
agato ancora in pe’ sa zente mia
cun issa allego
e làgrimo ammentos
de sos tempos connotos
e de una ia
in sa domo de raighinas antigas
prena tando
de passos e de ’oghes
e nuscheles de suore e tribulias.

Poi
torro in pessamentu acurtz’a tie
e respiro sa vida
chi galu mi cantat
immerrada in soledades de poesia
cando s’ùrtimu sonu
ch’est restadu a runda
est sa ’oghe tua
chi tenzo
ancora arressa in conca mia.

Notte silenziosa

Silenziosa è la notte
e il vento è fermo
così
che non si sente
in cielo un tramestio.
Non una brezza
un bisbiglio
una voce
o il latrare di un cane
che possa far al tempo compagnia

Solo gli uccelli notturni
nella macchia
si sentono cantare di tanto in tanto
becchettando le ore fuggitive
e pronti a silenziarsi
a ogni brusio
che si ponesse minaccioso in mezzo .

Ed io nella notte che non dormo
ritrovo ancora in piedi la mia gente
con loro parlo
lacrimo ricordi
dei tempi passati e di una volta
nella casa dalle antiche radici
piena allora di passi
di voci
e odori di sudore e sacrifici.

Poi ritorno
col pensiero a te vicino
e respiro la vita
che ancora mi canta
immersa in solitudini di poesia
quando l’ultimo suono
che è rimasto a ronda
è la tua voce
che ritrovo
sempre ferma in testa mia.