Note pasida
de Antonio Brundu

Est pasida sa notte e s'ingalenu
est unu currer durche de ammentos
chi si miscian apare ninna ninna.

Sa luna est unu bantzicu sulenu
chi cando a jocu molinan sos bentos
de tintas nobas garrigat sa pinna.

E deo... chi mi parjo unu poete...
a cussas frinas s'aghidu l'aperjo
e sepero sas rimas... sas chi cherjo
m'allorichen su coro 'e saniete....

su nuscu 'e cussas laras ammajadas
ch' intendo supra supra in sa carena...
su basu e' sa sisia lena lena
in custa notte pasida de fadas...