E como ses drommìda amore meu,
tue sa rossa mea de su coro.
Repossa isteddha mea, su recreu,
sa rundineddha mea su tessoro.
Canno t'ischidas inat donzi anneu,
tue luche das luche a su decoro.
Dae s'irballu chi b'est capitadu,
bida e ortza po tivhe happan torradu.

In su biancu lettu imbolicada,
no mi mutis ca ses chin s'addormentu,
sa bella mea ti juco affranzada,
istassero t'ascurto chin su vhentu.
Deus daeli como sa mirada
e cras si pesset prena de talentu.
mancari gai mai una lamenta,
ajoni coro meu a manu tenta.

Connoschimentu como ses picanne,
Sa rossa 'e sa menzus calidade,
Ancas d'erru e ti vhiapo sananne,
Anima bella prena umiltade,
prestu deretta ti vhiap'intranne,
meicada chin digna umanidade,
Ca ses in locu chi b'hat zente vhona,
Chi de grascias lis chingo sa corona.

E dae cras lu mudes su navhiu,
nuddha t'ammentes a s'ateru istiu.