Fritu, focu e allusconzu,
in tempus de ierru,
prenant sas dies de sa vida
chin pacos bisos de fantasia.
Nudda est prus che a innantis,
nudda de bonu m’irveto,
solu allegas de fassidade,
cando a sa fine nudda arrumbat.
A pustis de promintas benidoras
solu istrinas de traschìas
e prantu adolimau.
Peus de su nudda
est s’eredidade de su remitanu.
Illusiones benidoras,
frutu de festas de mementu
ifustas de binu e disisperu
chi luego,
comente a ònnia prominta,
che finint.
E su nudda arrumbat
a cufortare custa vida remitana.