Chi da edu
minore
As inoche sa terra abbaticadu
Tue chircas su faru
chin su sou lugore
pro biere su benente illuminadu
sa chi chircas fortuna
mancu a lughe Luna
a nois Sardos mai s’at basadu
sa ch’it chircanne a tie
no it fortuna tue cree a mie
Chie cussu t’at nadu
Podes istare certu
Persona est alligra e befulana
A tie at bufonadu
Ca ses de cor’apertu
E d’animu dispostu puru nana
Sa fortuna invocada
Mai inoghe es colada
In atterue trattesa che l’ana
Non benit ainoghe
E de issa neunu intesu at boghe
Duncas su tou isettu
Est un’isettu vanu
ca mai a inoghe at’ arrivare
de issa su profettu
no lu tocas a manu
ca mai sa Sardigna at a basare
sa janna tua serra
ca issa in custa terra
mancu a isbagliu bi at’a passare
riposati serenu
chi issa basat su cherveddu anzenu
