OMAGGIU AD ARDAULI
(Baranta noe fioridu)

Ardaulesa terra tantu ardente
De continu in sas fainas ti onoro
Ti tenzo assai riservada in coro
C’as puntuale affettu chia e mente.

Sas tuas veras bundantes sorgentes
Cunsidera ca sun pruas brillantes
Sa tuas veras sorgentes bundantes
Cunsidera ca sun brillantes pruas
Sa sorgentes bundantes veras tuas
Ca sun brillantes pruas cunsidera
Sa sorgentes bundantes tuas veras
In sas compagnas d’amore immortale.

Ardaulesa terra tantu ardente
De continu in sas fainas ti onoro
Ti tenzo assai riservada in coro
C’as mente affettu e chia puntuale.

Ses situada in d’una zona tale
Corona pitturada de sa luna
Ses situada in zona tale una
Corona de sa luna pitturada
Ses in tale zona una situada
De sa luna pitturada corona
Ses situada in d’una tale zona
Chi dogni istranzu tenede in concettu.

Ardaulesa terra tantu ardente
De continu in sas fainas ti onoro
Ti tenzo assai riservada in coro
C’as puntuale mente chia e affettu.

Sos Pisanos sa cresia t’ana elettu
Dinastia de umanos e funtana
Sos Pisanos sa cresia elettu t’ana
De umanos funtanas e dinastia
Elettu tan sos Pisanos sa cresia
Funtana e dinastia de umanos
Sa cresia elettu tana sos Pisanos
Pro tenner cun Cristos sempre intesa.

C’as puntuale affettu chia e mente
Ti tenzo assai riservada in coro
E de continu in sas fainas ti onoro
O terra tantu ardente Ardaulesa.

Sa corazzosa zente meda avesa
T’onorat orgogliosa ardente preda
Sa zente corazzosa avesa meda
T’onorat orgogliosa preda ardente
Sa corazzosa meda avesa zente
Preda ardente t’onorat orgogliosa
Sa meda avesa zente corazzosa
T’at resu onore e fama in dogni gherra

C’as puntuale affettu chia e mente
Ti tenzo assai riservada in coro
E de continu in sas fainas ti onoro
O tantu ardente Ardaulesa terra.

In collinas canales montes serra
T’inchinas s’orizzonte generales
In collinas montes serras canales
T'inchinas generale s'orizzonte
In collinas canales serras montes
S’orizzonte generale t'inchinas
In montes serras canales collinas
Risplendet caru su tou impiantu.

C’as puntuale affettu chia e mente
Ti tenzo assai riservada in coro
De continu in sas fainas ti onoro
O terra ardaulese ardente tantu.

Bonu Camminu e Damianu Santu
Ti dan sa manu e perdonu divinu
Damianu Santu e Bonu Camminu
Ti dan sa manu e divinu perdonu
Damianu Santu e Camminu Bonu
Ti dan divinu perdonu e sa manu
Bonu Camminu e Santu Damianu
In dogni tempesta t’an vicina.

Ti tenzo assai riservada in coro
C’as puntuale affettu chia e mente
Ardaulesa terra tantu ardente
De continu t'onoro in sas fainas.

Sas tuas bellas e raras collinas
Zente cara de duas pius appella
Sas tuas raras e collinas bellas
Appella zente cara pius de duas
Sa collinas raras bellas tuas
Appella zente pius de duas caras
Sas tuas collinas bellas raras
Sunt un’omaggiu a su tou terrinu.

Ti tenzo assai riservada in coro
C’as puntuale affettu chia e mente
Ardaulesa terra tantu ardente
T’onoro in sas fainas de continu.

Famosa produttora de bonu binu
Generosa aurora de cantu e sonu
Famosa produttora de binu bonu
Generosa de cantu e sonu aurora
Famosa de binu bonu produttora
De cantu e sonu aurora generosa
De binu bonu produttora famosa
Terra’amena de amore immortalada.

De continu in sas fainas ti onoro
Ardaulesa terra tantu ardente
C’as puntuale affettu chia e mente
Ti tenzo assai in coro riservada.

De Serafinu chia e vera ispada
Terrinu de poesia e fama altera
De Serafinu chia ispada vera
Terrinu de fama altera e poesia
De Serafinu ispada e vera chia
De poesia e fama altera terrinu
Ispada vera e chia de Serafinu
Ca t’amo tantu non t’iscordo mai.

De continu in sas fainas ti onoro
Ardaulesa terra tantu ardente
C’as puntuale affettu chia e mente
Ti tenzo in coro riservada assai.

Ti tratto che tesoro bona gai
E ti fatto d’alloro una corona
Ti tratto che tesoro gai bona
E d’alloro una corona ti fatto
Che tesoro gai bona ti tratto
E ti fatto una corona d’alloro
Gai bona ti tratto che tesoro
Su cantu duro in vida si a bezzu enzo.

De continu in sas fainas ti onoro
Ardaulesa terra tantu ardente
C’as puntuale affettu chia e mente
Sempre in coro riservada ti tenzo.

Clychy, 26.10.1963

Serafino Putzolu