Oras nieddas
di Raimondo Piras

Oras nieddas, suldas e iscuras,
mudas passades e silentziosas.
Cantu sezis pesantes e penosas
e prias, inasprinde sas torturas!

Tzellas fatas de fritas pedras duras,
totu sezis che pare misteriosas.
Po sepultare ias sezis losas
de tantas innotzentes criaduras.

Deu, puite tanta podestade
cuntzedis a s'umana prepotentzia*
po nos brivare 'e ogni libbertade?

Mitiga tue tanta violentzia
o, si no, tene 'e nois piedade:
po supoltare, 'daenos passentzia.

Pasca ‘e Nadale 1926

*Umana prepotentzia: il poeta si riferisce alla prepotenza degli squadristi fascisti