Orizontes
Est pàsidu su mare custu sero;
sol’una frina est movinde sas undas
chi lébias infunden custa rena.
E s’aera, de nuscu ‘e lizos prena,
s’atzendet de sas lughes, chi profundas,
promittìndemi paren su ch’ispero.
Nàvigat una vela in s’orizonte
chi cun su chelu attesu si cunfundet;
paret non tenzat gana de torrare
a sos lidos da ube custu mare
che l’at furada, e cuntenta s’infundet,
saludande sa terra ch’at de fronte.
E si che fuet donzi pensamentu,
paris cun custa mente disizosa
de dies, chi da ora tramuntadas,
l’an promissu un’ispera; e in debbadas
chircand’est sa bellesa ‘e cussa rosa,
chi su nuscu lassadu l’at che ammentu.
E custu sole paret si che cuet,
infundìndesi, attesu, in cussas abbas
inube pasu chircat donzi sero;
e umbras mi che tràzan ube ispero
mi cuntzedas, o tempus chi m’ingabbas,
bisos ube sa mente si ch’annuet.
Fintzas su mare pàret chi reposu
siat chircande, in cust’aèra tébia,
ube peruna mùida s’intendet.
Cust’ànimu bramosu si ch’inchendet
de un’istracchidudine prùs lébia,
inube, in su mudine, agattat gosu.
|
Orizzonti
E’ calmo stasera il mare,
solo una brezza muove le onde
che leggere bagnano questa sabbia.
E l’aria, che profuma di gigli,
si accende di luci, che profonde
sembran promettermi quel che spero.
Naviga una vela all’orizzonte
che lontano col cielo si confonde;
sembra non abbia voglia di tornare
ai lidi da dove questo mare
l’ha rubata, e si bagna contenta,
salutando la terra che ha di fronte.
E ogni pensiero fugge,
insieme a questa mente desiderosa
di giorni, che da tempo tramontati,
le han promesso una speranza; e invano
cerca la bellezza di quella rosa,
che il profumo le ha lasciato come ricordo.
E questo sole sembra nascondersi,
bagnandosi, lontano, in quelle acque
dove cerca riposo ogni sera;
e ombre mi trascinano dove spero
mi conceda, o tempo che m’inganni,
sogni dove la mente si annebbi.
Anche il mare sembra che riposo
stia cercando, in quest’aria tiepida,
dove non si sente alcun rumore.
Desideroso, quest’animo si accende
di una leggera stanchezza,
dove, nel silenzio, trova la serenità. |
