|
Pagnas soledades …
Bidros ancora airados
bardian’ cristas de muros;
a pibiu, de cancaros su tirriu
banzigat ghjannas e bentanas
in podere ‘e su entu
a ojos a carrera irbarritzadas.
… B’at isalenu a rantulu no bidu
perd’ impedrados
a ‘eramine mudados ! …
… e nuscu leas solu de mudines
in pagnas soledades …
Eppuru … fini movidas
de alas
Iscaganos, tinnidas de fraile
de carrulu sos tronos
in sos atterighinos,
o patitas a trottulu in bessida;
zente … affainada
ma puru ‘e acciappafua , sas voghes;
e cuncordu ‘e intrinadas
a istraccas recuidas bullittadas;
e gasi pro zenias e zenias
…
in d’una bidda
pesada in raighinas de connottu
fattende vida, finza a la cumprire;
e “testimonzu” dende a benidores
tenzende ‘iu su logu
cun su toccheddu sou eternale ;
… ma como arresu
a sa modernidade ! …
Su chi pariat mai
nd’est bennidu ghjà como a iscabulare;
… restat isterzu boidu post’a banda !
calighe ‘e muru brottat in cabones
e che tendina a muda
su chelu che li tessin sos ranzolos
subra ‘e sos frantos bidros de bentanas
… mah
… b’hat portittas faladas !?!
sogh’est ingalenadu in sonnischida …
|
Dense
solitudini …
Vetri ancora acuminati
custodiscono creste di muri;
in lamento, lo stridio di cardini
culla porte e finestre
spalancate sulla strada
in balia del vento.
… Vi è fiatone a rantolo non visto
tra selciati
vestiti di gramigna!
… e cogli solo odore di silenzi
In raddensate solitudini …
Eppure … erano starnazzi
strepitii, tintinnii d’incudini
rimbombare di carri
tra vicoli,
o zoccoli al trotto nell’uscir dal paese
gente … indaffarata
ma anche dell’ acchiapparello le voci;
e solidali vespri
allo stanco rincasare “di scarpe chiodate;
e così per generazioni e generazioni …
in un paese
costruito su radici d’un vissuto
vivendovi, sino al dipartire;
passando sempre il testimone a futuri
tenendo vivo il posto (il paese)
col suo palpito eterno;
… ma ora arreso
alla modernità! …
Ciò che sembrava il mai
ne è già ora giunto alla sua fine;
… resta un vuoto recipiente messo da parte !
ombelichi di venere appaiano nei timpani
e come tendine postea festa
le “ragnatele” tessono i ragni
sopra vetri infranti di finestre
… mah
… vi sono oscurini accostati !?!
forse è solo appisolato in dormiveglia …
|
