Palai
di Salvatore Enne

Sardu si non connosches a Palai,
migh'est mill'e dughentos de artura,
mont' arburadu e in villeggiatura
istranzos non binde mancad mai.

Dae tesu si bied' Arrasai
e' sa punta famosa e pedra dura,
chi ch'es post'a cuddala 'e sa Caddura
in s'aridu terrinu 'e sindalai.

Dae ue si ponet sa vedeta
pro annunziu si b'ad fogu azzesu,
si biede sa domo 'e su poeta;

e mi chi dae inie ch'est atesu,
non cretedas chi siad barzelleta.
Si no: perdeu santu, resto offesu.

(Bolotana)