Paraulas cuadas
di Gonario Carta Brocca

Sa terra mia de litos
sa terra mia de preda
in su coro' e carchina
unu bisu secretu at isticchidu:
unu sonniu
de bragas de istimas e de fides
ue craros e iscuros
che omines colamus
sutta su toccu 'e sas fainas nostras;
unu sonniu 'e balentes
armados de s'allega de sos mannos
e leppa 'e dinnidade
chi a s'anzena e nostra identidade
cara noale intregat.

Sa terra mia de sole
sa terra mia 'e siddados
unu fogu de fide at in su sinu
e visiones
de babbos afainados
e mammas
chin su risittu in laras
e cussorzas fecundas
inue in luna 'ona
creschene sos pitzinnos
chene deper fuire
a logos isconnottos
a pedire su pane
a pedire s'orgogliu
d'essere su chi semus.

Unu sonniu
de zente 'e bonu 'ettu
e prufessones mannas
de zente de tottue
in carreras de sole
e portales apertos
a s'allega connotta 'e sos amigos
a s'allega 'e s'istranzu
a paraulas cuadas in su coro

Parole nascoste
La mi a terra di boschi/la mia terra di pietra/nel suo cuore calcareo/un sogno segreto ha nascosto:/un sogno/di gioia di amori e di fede/dove i chiari e gli scuri/da uomini viviamo/al ritmo delle nostre consuetudini;/un sogno di balentes/armati della lingua degli avi/e spada di dignità/che all'altrui e nostra identità/regala un nuovo volto./La mia terra di sole/la mia terra di tesori/un fuoco di fede ha nel suo cuore/e visioni/di padri affaccendati/e madri/col sorriso sulle labbra/e campagne feconde/dove senza problemi/crescono i ragazzi/senza dover fuggire/in posti sconosciuti/a chiedere il pane/a chiedere l'orgoglio/d'essere ciò che siamo./Un sogno/di gente cordiale/e grandi processioni/di tutti quanti popoli/su strade di sole/e porte spalancate/alla voce conosciuta degli amici/alle parlate aliene/alle parole nell'anima nascoste.

2^ Premio al "Quartucciu 2011"