Diana essere solu jogos de paraulas

Paraulas e Limbas

Diane’essere jogos de paraulas
Postas de azzivu in s’ammagliu
Fora e donzi abunzu e muntonagliu
De inturtadas limbas iscabadas

In’intro istrintas acchiedhadas
A mummutu e frittu e jannagliu
Padente urpile isparagliu
Astrau in lughidas paulatas

Son costuidas a cussas barbatas
De lavras chi pranghene a toroju
Basterede unu cobertogliu
A suspire allambrios de carazzas

Jogos de paraulas diana essere
Paraulas diana essere e jogos
Istrintas de redinagos e loros
In ordidos e tramas de tessere

Jogos de limba cuntinu a laredha
Fritta attuda legosa maledha
Dechid’arraspiada attonada
Punzuda astrada e arrodada

Birimboi... birimbai.. sa limba
E cambas birimboi.. cantadas
Birimbai paralusa fadadas
Tenore e cusseltu birimbimba..

Jogos de paraulas diana essere
In inturtadas limbas iscabadas
In ordidu e tramas de tessere
Astrau in lughida paulatas

Suspidos allambrios de carazzas
Birimbimba...cusseltu e laore
No iscramedas a cussu iscramore
Cusseltu birimbai....a tenore

Giuanne Chessa 24/06/2007