MODA A SA PARROCCHIA

Sa nostra antiga e bella cattedrale
Est de s’era Pisana onore e fama
S’Ardaulesu interu panorama
S’imbenugat preghende in generale
Ca de lamentu afflitta est sa zona.

Bonu Camminu sa pia Patrona
Santa Teresa Barbara e Lughia
Lourdes e Bernardetta po diffesa
Renden su logu e sa terra protetta
Antoni Padovanu e de su fogu
Santos Pedru Battista e Bastianu
S’Arcangelu Raffaele at in vista
Franziscu Santu e Giuseppe Fidele
E sas animas chi preganta tantu
Ca de Pompei invocana sas rimas
Sutta s’azudu ’e sus Deus Divinu
Sa pia Patrona Bonu Camminu
Santa Teresa Barbara e Lughia
Bonu Camminu sa Patrona pia
Santa Lughia Barbara e Teresa
Lourdes e Bernardetta po diffesa
Renden su logu e sa terra protetta
Po diffesa Lourdes Bernardetta
Renden protetta sa terra e su logu
Antoni Padovanu e de su fogu
Santos Pedru Battista e Bastianu
Antoni de su fogu e Padovanu
Santos Pedru Bastianu e Battista
S’Arcangelu Raffaele at in vista

Franziscu Santu e Giuseppe Fidele
In vista at s’Arcangelu Raffaele
Fidele Franziscu e Giuseppe Santu
E sas animas chi pregana tantu
Ca de Pompei invocana sas rimas
E sas chi preganta tantu animas
Sutta sa rughe eterna ’e Santa Rita.
Sa nostra antiga e bella cattedrale
Est de s’era Pisana onore e fama
S’Ardaulesu interu panorama
S’imbenugat preghende in generale
Ca de lamentu sa zona est afflitta.

Chirigu Santu minore e Giulitta
Cosomo e Damianu su dottore
Ca de sa meighina an su diplomo
An protettu sa nostra cittadina
E Ardaule po dottu prezettu
Sos suos Santos onoradu an tottu
Ca de lontanu tempus an pregadu
Cun allegria dolore e piantu
Giulitta e Chirigu minore Sntu
Cosomo e Damianu su dottore
Giulitta e Chirigu Santu minore
Damianu su dottore e Cosomo
Ca de sa meighina an su diplomo
An protettu sa nostra cittadina
Ca su diplomo an de meighina
Sa nostra cittadina an protettu
E Ardaule pro dottu prezettu
Sos Santos suos onoradu an tottu
E Ardaule po prezettu dottu
Sos Santos suos tottu ant onoradu
Ca de lontanu tempus an pregadu
Malgradu sas fatigas ch’ana tentu.

Sa nostra antiga e bella cattedrale
Est de s’era Pisana onore e fama
S’Ardaulesu interu panorama
S’imbenugat preghende in generale
Ca est sa zona afflitta de lamentu.

Po sos annos sighidos s’ornamentu
Invoco d’Ardaule tot’unidos
S’ornamentu po sos annos sighidos
Invoco d’Ardaule unidos totu
Su chi d’epoca remota est connotu
Ses gai t’auguro ancora resta
Sos Santos tuos cun amore festa
Pro chi tenzas piantos e dolore
Festa sos Santos tuos cun amore
Pro chi tenzas dolore e piantos
Cun amore festa sos tuos Santos
Pro chi piantos e dolore tenzas
Sa fratellanza vera si mantenzat
Cun giusta vigilanza e preghiera
Si mantenzat sa fratellanza vera
Cun giusta preghiera e vigilanza
Si mantenzat sa vera fratellanza
Po sos vicinos e po sos lontanos
Tando amamos su Deus Divinu
Chi perdonat sa nostra debilesa
Rezana intantu sos parrocchianos
De sa lontana dimora francesa
Saludos tantu dae Serafinu.

Gennevilliers, 17.01.1966

Serafino Putzolu