Tocant a festa isoltas campanas
est sa die de Pasca de Abrile
pagh' innoghe e in terras lontanas
abberimus de coro su jannile.

Zente meda no agatat trabàgliu
nde l'est falende sa cobeltura
chena cunfoltu mancu pro imbàgliu
Cristos de issos apat primura.

Tempus de como semper buluzadu
pro sa fide narant chi sunt gherrende
in donzi logu nos ant sebertadu
e sos cristianos semus sufrende.

In chelu galu nues minetosas
pioende sàmbene cun velenu
sunt bochende òmines e isposas
paghe falet che abba a sulenu.

Boltet cuitende su mal'in bonu
dae s'ou nde brotet un'ispera
non 'idemus pius cuss'assuconu
bantzighent sas dies in cuss'andera.

Pasca de Abrile de su 2016

La Pasqua ci riporti la pace

Suonano a festa le campane sciolte,
oggi è il giorno di Pasqua,
pace nella nostra terra e in quelle lontane,
apriamo la soglia del nostro cuore.

Molte persone non trovano lavoro,
stanno andando in rovina,
non ricevono nessuna consolazione,
il Signore abbia cura di loro.

Sono tempi di grande afflizione,
affermano di combattere per la fede,
hanno scovato le loro vittime in ogni luogo
e tutto il mondo cristiano sta soffrendo.

Si scorgono in cielo nubi minacciose
piove sangue misto a veleno,
stanno ammazzando uomini e spose,
scenda la pace come l'acqua cheta.

Il male si tramuti presto in bene,
dall'uovo germogli una speranza,
non ci siano più momenti di terrore,
i giorni si cullino in nuovi sentieri di pace.