Passu torrau
de Vanna Flore

Dedicada a sos “chene cras”

Pilos isortos supra su mare
a umbe vas si sa die est bandulera
sas radichinas hana ateru sambene.
Unu passu
unu passu torrau
unu ballu chene tempus.
Ateru tempus.
Tempus de chichiglios,
chichiglios de naschida
chichiglios de morte.
Tempus de istajones iserelas,
astragu e nive in beranu
dilluvios e chisina in atongiu.
Dilliriu de oje
dilliriu de cras
dilliriu de oje chene oje
dilliriu che cras chene cras.
De nottes de vinu chene sonnu,
nottes orfanas de luna
e de isettu.
E tue luna,
passizera de cada tempus,
dammi sa lughe
de s’ultimu quartu
pro cumprendere de sa vida
su risu e su prantu.

Terzo premio Sezione poesia sarda inedita “Antonio Sanna” – 53° Edizione Premio Ozieri 2012