Non zugo ojos....
po ti pompiare
in’intro
‘e sa luche ‘e s’anima.

Non zugo entu...
po t’irfoettare sos pilos
incadenaos e trozicaos
a s’incantamentu
‘e su sole.

Non zugo sa orza...
po traccheddare
sos suspiros caentes de
sos toccos de su coro.

Nòn zugo oricas
po intende sos murmuttos
de sos pessamentos
servaos in’intro‘e sos bisiones
selenados de sa notte.

Non zugo laras...
po gustare s’issaporzu
‘e sa linfa chi acchirrat lestra in
sos marengos cuaos de s’amore.

Non zugo armonia...
po tuire su rujore caente
‘e su tramontu
‘e ninnire sa luna
in ninnidos cantos d’ispera.

Però jeo t’ido....
so-e sa (Musa Elicona)
ti pompio in s’istrissiada ‘e sa lughe
‘e sos isteddos
e bido intessia
sa isione tua in sos pintos arestes d’amistade.

1-premio concorso Ittireddu 2002