Camino in carreras connotas
inue fia istadu e inue
ancora so
a bardanare sas dies
chi mi ant illieradu sos annos.
In s’umbraghe de unu sole tebiu
allutu como
dae carignos de frina
chi petzi sas manos tuas ant tratesu.
E deo ghirende
dae tempus atesu nde collo
s’ammaju
de cust’amore for’e tempus
chi a contivizu amparo
in rechillias de coro e pessamentu
e lasso a tie
dadivas de peraulas
chi mi current s’alenu in segretesa
a musicare afinos
navigantes de note a lugh’e die.