| Pibiola
Cando s’ùltimu alenu
sas fortzas m’at furadu
che una foza ‘olande mi so intesu.
E sos prantos, attesu,
de zente ap’iscultadu,
cun làgrimas currinde chentza frenu.
Cantas penas, dolores,
in terra semenados,
inube una carena briva ‘e vida,
s’istòria, imprimìda
da’ sos tempos colados,
contaiat, in mesu a sos fiores.
Assùttalu su prantu, amore meu,
ca su ch’in terra como apo lassadu
est solu cussu corpus imbetzadu
chi non si podet rezer piùs reu.
Lassa donzi tristura e donz’anneu,
ca su ch’intro tenia ch’est boladu
in d-unu logu inube su passadu
m’est torrande presente, tott’intreu.
Ca cust’ànima mia
de lughes s’est inchesa
chi m’an mustradu, tèbias, sas bias
de sas isperas mias,
chi prendas e ricchesa
mi promittian dae pitzinnìa.
Istrìnghemi sa manu
e non t’intendas sola,
ca deo t’ap’a fagher cumpanzia,
che’ tando, in cussa ‘ia,
cando che pibïola,
bolande m’indurchias donz’ ‘eranu,
po cuss’incras arcanu. |
Coccinella
Quando l’ultimo respiro
mi ha rubato le forze
mi son sentito volare, come una foglia.
E il pianto, lontano,
ho ascoltato della gente,
con lacrime che scorrevano incontrollate.
Quante pene e dolori,
seminati in questa terra,
dove un corpo privo di vita,
la storia, scolpita
dai tempi passati,
raccontava, in mezzo ai fiori.
Asciuga quel pianto, amore mio,
perchè ciò che ho lasciato sulla terra
è solo quel corpo invecchiato
che non può più reggersi in piedi.
Lascia ogni tristezza ed ogni affanno,
perchè quel che avevo dentro è volato
in un posto dove il passato
rivivo come allora, tutt’intero.
Perchè quest’anima mia
si è accesa di luci
che mi hanno indicato, tiepide, le vie
delle mie speranze,
che tesori e ricchezza
mi promettevano da bambino.
Stringimi la mano
e non sentirti sola,
perchè io ti farò compagnia,
come allora, in quel tempo,
quando come una coccinella,
volando mi addolcivi le primavere,
per quel domani misterioso. |
