Impredados fattos chin su coro
Dae zente chi connosche(t) su traballu
Bi podes caminare o facher ballu
A s’arvorinu luchen che a s’oro.

Mastros de ingegnu e de bravura
Dignos de sos prus mannos iscultores
Operas fines an fattu dae contones
E in fila las an postas chin cura.

Finidas son istradas perfettas
Fattas da chie connosche(t) sa preda
In su traballu son tessidores de seda
Canno iscuden chin puntas e matzettas.

Piccaprederis los mutti(t) sa zente
Ma son omines de grande valore
In donzi epoca s’han fattu onore
E son dignos de ammentu perenne!