Picconu torradu

(Ammentande tziu Prameri)

Dae sa losa marmura e chieta,
ue serenu sos passos appuntas,
parent bessire sumuzos de puntas
accumpanzados da cropu ‘e matzeta.

Aintro sa gava ordinzada e neta,
segande petzeria cun atzuntas,
orropas a s’azustru e ti preguntas
proite onzi trincada est che saeta.

Cun s’amparu de sa tzeleste lughe,
intro s’ammentu fiorint manizos,
s’antigu appentu cumprit sas fainas.

Chena s’impitu ‘e sa terrena rughe,
deghile isura ti mudat sos chizos,
non dant sentore sas oras mischinas.

Giovanni Antioco Mura
Ilartzi, su duos de santandria 2005