Pizzinna de oje
de Angelo Maria Mingioni

S’unic’isettu est ‘e cumparire
in zornale o televisione
d’esser nota e chin dinare.

Bae pizzinna currillera
non juches atte r’in conca
che ti bentulare che banzicallera.

Tue cheres solu divertimentu
de s’amore non ti curret sentimentu
bola bola est su cherbeddu che su bentu.

Tue fis un’incantu angelicu gentile
su surrisu a su coro poniat tremore
e tottus ti fachian onore.

Bella ia fis bella
comente mama tua t’at fattu
commo mi pares una mortadella.

Ti ses imbuttia ‘e silicone
pumadas e pistulessias
e t’assimizas a Maimone.

Curre, curre, pizzinna
palas a terra palas a muru
mezus si aias pessau a sa pinna.

Bives ispensierada
e mai ti benit gana
de ti dare un’asseliada.

Tottu pomposa caminas che frizza
unu filu ‘e mudanda a cul’iffòras
mama tua cada tantu ti tirat sa trizza.

Bella la fis bella
ma non duras che un’istella
appustis as’parrer una bittella.

Chirca s’amore mannu
non chirches amore a furadura
as’biver semper in affannu.

Non sias mai un’ozzéttu
boia artu chin s’affettu
‘e sa bida fache unu prozettu.

Non bivas ingannosa ses galu una rosa

Premio Villanovatulo 2012 - Sezione Poesia a tema libero