Mons. Mario Roberto Cassari

Si è spento nei giorni scorsi, presso l’Istituto di Riabilitazione Santa Maria Bambina di Oristano, Mons. Mario Roberto Cassari, Arcivescovo titolare di Tronto e Nunzio Apostolico emerito. Prima dell’ultimo incarico, ricoperto a Malta, aveva operato in Sudafrica, Botswana, Namibia, Swaziland, Croazia, Costa d’Avorio, Burkina Faso e Niger. Nato a Ghilarza nel 1943, Mons. Cassari avrebbe compiuto 74 anni il 27 agosto.

Po sa dispedida de mons Mario Roberto Cassari
de Salvatore Deligia

Tzirriadu t'at Mario su Segnore
po ti porret de persona ringraziare
tottu sa vida l'as crefiu dedicare
cun faeddos e manizos de amore.

Sa etzesa t'at serradu sa janna
pro t'aberret sa de su paradisu
partidu ti che ses chenz'e avvisu
lassandosi in disauria manna.

In Ilartzi su nadale as tentu
cun bonos prinzipios creschidu
a preigare su vanzelu as obbedidu
ca fias omin'e bonu coro e talentu.

Artziadu che ses in altos pianos
dimustrande tottu su tou valore
messazeru de paghe e de amore
in terrenos funestos Africanos.

In chelu tenzas Mario su reposu
chi t'as in custa terra balanzadu
faghinde bene ti lu ses meritadu
a d'onzi creatura pobera de gosu.

De Nunziu Apostolich'insignidu
dae sos seguaces de Pedru Santu
estindodi cun purpurinu mantu
ch'imparis a tie nos at orgoglidu.

A Ilartzi as dadu lustru e fama
ca fias omin'e cabu e de judu
sa cresia d'at s'urtimu saludu
a su pastore c'at orfanadu s'ama.

Prega pro nois Mario dae chelu
e ispraghe unu velu meraculosu
ch'istorret onzi omine bellicosu
e paghe amore regnent de anelu.

Ilartzi su 19 de Austu 2017