Poetas
di Tonino Fancello

Semus sos leones de vastu valore
in su predariu sardu disitzadu
inue sas grobes bocana s'amore
e chircana su versu temperadu.

Peri in s'ifferru in mesu su calore
cherimus ponne timbru appaneddadu
d'attarzu interi framma iscarfeddadu
chi su dimoniu timmat su cantore.

Predas de terra ch'impastan sa vida
fizas de tempus cumpanzas de pricas
mantenen galu muros a irfida.

Semus su pruere in mesu sa sida
ammus fraicadu casteddos d'ispicas
chin d'una luche a imprestu chida chida.