Predas buddidas,
in sas carreras
chena zente.
Su sol’e triulas
s’appenta’dae manzanu
chin zogos de lughe.
Predas buddidas,
in dommos boidas,
iscolas serradas…
Tott’arrimadu,
intregad’a su tempus
ranchid’e feu.
Predas buddidas,
in biddas minores
e irmentigadas.
Duos bezzos a passu lentu,
morigan’ammentos
de sa pizzinnia.
Predas buddidas,
faeddan donzi die
a chie las ischid’iscurtare.
Pagas paraulas,
unu lament’assuttu,
chena lagrimas.

Sos zovanos
bessin fora
e non torran prusu.
Predas buddidas,
biddas chi morin gai,
a pag’a pagu, donzi die!!

Poesia prima classificata al Premio letterario “Campidanu” di Selargius, Edizione 2014

Giudizio della giuria
“Il poeta fotografa la piaga dello spopolamento dei paesini, ormai in balia del tempo e destinati a sparire. Sono rimasti ancora pochi vecchi che si trascinano per le vie deserte, rimestando ricordi lontani.
La poesia, oltre ad essere di pregevole struttura formale, si distingue per la suggestione delle immagini e per la forte valenza sociale di drammatica attualità”.