Pregande anghilos
di Franco Maccioni

A tie, isposa chi mas’istimadu,
e allegras su coro a ti mirare,
ammento cantu t’hapo disizzadu
de ti tenner affacca, po t’asare!

Semper intro su coro hapo pensadu
de ti poder ogni ora consolare,
e prego anghilos de t’azzuare
ca cun tegus m’intendo fortunadu!

S’intro a mie b’esseret calchi dolu,
bio sorrisos tuos e ’ogni ammentu
a s’animu meu li dat consolu!

Cando bi sun sos fizzos, sò cuntentu,
ogni tristura passat lestra a bolu
e musica mi attit’ogni ‘entu!

3^ classificata alla 5^ Edizione del Concorso "Poesia e racconti di solidarietà...per ricordare Tiziana" di Guspini.