Pro Nadia Campus
di Giuseppe Concas

Dedicada a su maridu e a sos fizos

No’ ses bistada tzertu fortunada
rosa delicada dae minore
a s’edade ‘e su menzus fiore
s’ora ‘e s’isviluppu trascurada.

Fruttu chi mancadu ti est s’amore
su tempus chi cheria’ s’allatada
sinnale chi fis gai destinada
ti ses diffesa faghindhed’onore.

Poi mama in vida pena dura
de bott’una bruttale maladia
ti privat sa fortza e s’energia
e trista e mortale non b’at cura.

A s’ora non pius cudh’armonia
terroriza su coro sa tristura
ca sos degannos una criadura
minorenne s’intrea cumpanzia.

Fis prospera sana e virtuosa
ballarina i sos palcos as’offridu
e chissà canta zente divertidu
zeniale artista decorosa.

E santamente ti ses fatta isposa
Renato Zara fit bonu maridu
Nanuscia battos fizos partoridu
e una feminedha bella Rosa.

Cust’ingratta sententza luttuosa
su ghi cherias non t’ad’assistidu
l’assas d’obbrigu su propriu nidu
in su momentu pius bisonzosa.

Fortza mazore de mama natura
de su criadu ‘e onzi zenia
est realtade no est fantasia
beni sa die de sa seportura.

S’istrada est sinnada e pretzisu
in su momentu chi nos dà sa vida
faghe a fizos tuos sa guida
da su logu eternu Paradisu.

Mancare non podiasa a s’avvisu
a solu chimbat’annos ses partida
ti ses preparada e dispedida
lagrima in terra in Chelu sorrisu.

Bolotana, 26-04-2012