Pro Paola e Antonello
di Giuseppe Concas

Cando nadu mi ha fizola mia
chi ‘e s’isposare ha tentu gana
pro me ha sonadu sa campana
che in die solenne de allegria.

Li auguro cun Antonello Milia
de faghe sempre una vida sana
e-i sa manu Santa Soberana
sa Benedizione sua ebia.

Chi no lis manche mai sa bundanzia
cun dunu mundu de felicidade
e sempre in pius de bonu s’isperanzia

paghe amore cun serenidade
osservande sa vera fratellanza
in su caminu de realtade.

Bolotana, 30-08-2009