Pro sa Libia
di Maria Pilosu

Cussu frore chi abbaido,
cussu frore chi mi faghet lagrimare,
in Libia benit apetigadu
dae sos carros armados.

Sa paghe e sa serenidade
chi b’est in su coro meu de pitzinna,
in su pitzinnu de sa Libia,
est como fuida.

Su tziulu de sos puzones,
su nuscu de sos frores,
su mutu de sas undas,
est tottu isbentiadu in su nudda.

Cantu dolu e sufferentzia,
cantas lagrimas caentes
ruene dae sas caras de sos pitzinnos.

Est sera,
ampilo sos ogros,
su chelu est isteddadu,
mi piaghet de pensare,
chi cussos isteddos lughentes,
sian tottus sas pessones
chi como son cuntentas
e chi pregan pro nois.

Poesia di Maria Pilosu, vincitrice del primo premio – classe 5^ elementare. Posada 2011