Pro sos degh’annos de Andrea
di Salvatore Ladu

In su chelu a gurdones sos isteddos
An tentadu sa luna e, puu como
Sun ispera 'e lughe in cada domo
Ma non cantu sos meos nepodeddos.

Innossente carinnu a isporteddos
Mi vattin cada die e, cando dromo
In bisu a unu a unu los fentomo
C'appan virtudes cantu sun belleddos.

Dae Deus tentaos, fattos mannos
In propositu sanu e bon'idea
Sos chi lis dan corazza e los ispronan.

Però, s'oje sos ateros perdonan
Cust'umile sonetto est pro Andrea
Chi li regalat nonnu a sos degh'annos.