Pro sos lebbrosos
di Salvatore Enne

S’attera die in televisione
bidu ap’unu fattu piedosu
daghi han presentad’unu lebbrosu
mutiladu in totta sa persone.

Apo subit’a mie domandadu
comente mai custa criadura
a esser castigadu de natura
e da tottu su mundu irmentigadu.

Invito Entes chi potan pensare
sos chi poden de fagher carchi cosa,
de la curare sa zente lebbrosa
ca no es mal’e poder trascurare.

Tottu sos c’azis autoridade
a bois naro, omines civiles,
lassadelos istare sos missìles
e menzus a sos omines pensade.

Zito sos russos e americanos
chi distruen e sempre sun’in gherra
senza pensare ch’infermos in terra
c’ha finzas innozzentes cristianos,

e bois azis pane in ambas manos
ma sos lebbrosos non nd’an’una perra.