Ti so ‘idende, minoredda,
cun ojos de sole,
bratzos ispartos,
risu chi caentat
e sanat sas piaes.
As semenadu prendas
in sas semidas de sa vida
cun passos de amore e de incantu.
As coglidu ispigas de oro
ammaduradas dae rajos
de riconnoschèntzia.
Un’intirinada ràida
de nues tristas
at feridu su risitu tou,
e tando in sos campos
sunt crèschidas
sas ervas chi allebiant
e cunfortant.
Pro te ant a brotare
fiores de pèssighe e de mèndula,
basados dae mariposas
cun colores de ispantu
ch’ant a donare sos nuscos
a una criadura
fiza de s’amore,
mama de s’ispera
de dies chen’afannos.

______________________

Per te, occhi di sole

Ti vedo bambina,
con occhi di sole,
braccia festanti,
sorriso che scalda
e guarisce le ferite.
Hai sparso le tue gemme
nei sentieri della vita
con passi d’amore e d’incanto.
Hai raccolto spighe dorate
maturate da raggi di gratitudine.
Un tramonto gravido
di nuvole piangenti
ha ferito il tuo sorriso,
per questo nei prati
sono spuntate
le erbe che leniscono
e confortano.
Per te sbocceranno
fiori di pesco e di mandorlo
baciati dalle farfalle
con colori fantastici
che doneranno i profumi
a una creatura
figlia dell’amore,
madre della speranza
di giorni sempre lieti.

Sa pramma de su binchidore a su Prèmiu Logudoro 2020