In is chìgios
de su ‘entu
appo cricau s’alenu tuo
e in is naes ispogiadas e afrigias
is manos,
in su fror’ ’e s’iscaria
sa face tua.
Ma fias perda, fias grughe,
fias traschia ’e prantu.
Deo messao ispigas po su leminàrgiu tuo
iscriendo su lùmene meu
in àidos de lentores de luna,
po su framentu ’e s’incrasa.
Ma tue
ti cuasa a suta de fògias ingroghias
cando tia ófiu
lébiu carignu,
e ogu ‘e sole de dìligos caentes
po apaghiare sa carre mia ispertzolada,
e tue mi naias:
seo cumìnciu e accabu
e mistériu mannu.
Ma cale est s’accabu?
Mi seo pèrdia
in is giuales de sa ‘ìngia tua
tastando sabores maligosos
cando si nd’istudant is oras
sentz’istròbere sa madassa trobeddosa
imboddiada in s’ànima feria
de s’ingannu ‘e ògnia die.
Ma ancora ti crico…
e cravo incious in sa grughe
po apicare is orrosàrios meos
e is frores siccaos,
orroschios…
de essere fida.
Promesse
Tra le ciglia del vento
ho cercato il tuo respiro
e tra i rami spogli e intirizziti
le tue mani,
nell’asfodelo cercavo
il tuo viso.
Ma eri pietra, eri croce,
eri sussulto di pianto.
Mietevo spighe per il tuo liminare
scrivendo il mio nome
sulle pallide distese di luna
per il lievito di domani.
Ma tu
ti celavi sotto foglie ingiallite
quando ti avrei voluto
fremito e leggera carezza,
o raggio di sole che scaldasse
le membra stanche
quando mi dicevi:
sono inizio e fine
e grande mistero.
Ma qual è la fine?
Mi sono persa
tra i filari delle tue viti
assaporando
l’amaro spegnersi delle ore
senza dipanare il groviglio di fili
avvolti nell’anima ferita
e sentire l’inganno di ogni giorno.
Ma ancora ti cerco…
e inchiodo nella croce
i miei rosari
e i fiori appassiti,
stanchi…
di essere vita.
Menzione
d’Onore "7° CONCORSO DI POESIA IN LINGUA SARDA"
2ª e 3ª Circoscrizione di Sassari - 2013
|
