Sas addes de s’ifferru sun allutas
Sas animas sun tottu arrajolatas
Las hat Deus a cue cundennatas
Infattu de su male nche sun rutas

Chene perdonu si sun acatatas
Essenne de amore tott’assutas
A or 'e perdonare vini mutas
E no las hat a issas perdonatas

Sutzedit custu a chie est chen’amore
Sutzedit custu a chie est chene coro
E si cuntetat de dare dolore

Su samben tuo est che-i s’issoro
Auguale tenet su colore
Non des a frates tuos crepacoro

Si b’hat irbagliu prova a perdonare
Sarvanne s’anima a su cundennare