Pruite poesia m' has chilcadu,
cando totta sa vida fui solu,
a sa maduridade so arrivadu,
de tue non nd' haia s' oriolu.

In domo cando has zoccheddadu,
sa janna abeltu t' happo riverente,
bidendedi t' happo assimizzadu,
Intras' in domo che cara parente.

Dai troppu tempus no t' idia,
de custu so cuvintu veramente,
sorrastra no mi pares, e ne tia,
eppuru dai meda ses presente.

Acculziada ti ses' indifferente,
e cuntagiadu m' has' sa maladia
de vaccinu e cura no b' ha niente
si no ponner' in versos poesias.

De cuffortu mi ses si so solu,
ca iscriende so in cumpagnia,
dai sas peraulas bessi' su sonu,
dai sa mente essi melodia.

Ollolai 06/01/2015