| Pubburinu
Érami un fiottu
unu innant’a l’asthru
ma no zi fazìami casdhu
i’ li casi vecci
di l’isthrinti buggiosi.
E mancu lu zeru era ciaru
sobbr’a li cabisthuri:
lu zeru
ch’era tuccaddu a noi,
càrriggu d’ombri di tristhura
e bruttu di frasthemmi.
Cussì
parìani curridori di garera
l’isthrinti affugaddi
indì isthazia lu pubburinu,
indì isthazìami noi.
L’isthrinti
indì lu tempu
no andaba a ridozu
ma andaba a zurraddi fatti
dugna mosthi di pabba
e andaba a pazènzia
di ca ti dazia lu pani
a librettu.
L’isthrinti annuzaddi
di la genti chena pasu,
l’isthrinti
di li dì chena sensu.
D’abbundanti
v’érami soru noi
pizzinni
cu’ li càvani secchi,
cu’ l’occi chi no sabbìani sunnià,
noi chi criscìami indibbadda
giugghendi a balli
e pissighendi giatti,
più famiddi di noi.
Eppuru
a inchiddà di l’isthrinti
abìani fattu
finzamenta la gherra,
eppuru
a inchiddà di l’isthrinti
dabboi
abìani turraddu a sunà
li gesgi.
Ma mancu la gherra era nostra
e nemmancu
l’alligria di li campani.
E dugna tantu
passàbani cantenti:
“… avanti pòpolo
alla riscossa… ”
ma no l’abìani cun noi.
Noi no érami pòbburu,
érami pubburinu.
|
Popolino
Eravamo in tanti
uno addosso all’altro
ma non ci facevamo caldo
nelle case vecchie
delle viuzze buie.
E nemmeno il cielo era chiaro
sopra i tetti;
il cielo
che era spettato a noi,
carico d’ombre di tristezza
e sporco di bestemmie.
Così
sembravano corridoi di prigione
le viuzze affogate
dove abitava il popolino,
dove abitavamo noi.
Le viuzze
dove il tempo
non era segnato dagli orologi
ma segnato dalle giornate lavorate
ogni morte di papa
e segnate dalla tolleranza
di chi ti dava il pane
a credito.
Le viuzze ingrugnite
della gente senza serenità,
le viuzze
dei giorni senza senso.
Di abbondante
c’eravamo solo noi
bambini
con le guance smunte,
con gli occhi che non sapevano sognare,
noi che crescevamo inutilmente
giocando alle palline
e inseguendo gatti
più affamati di noi.
Eppure
al di là delle viuzze
avevano fatto
perfino la guerra,
eppure
al di là delle viuzze
dopo
avevano ripreso a suonare
le chiese.
Ma nemmeno la guerra era nostra
e neppure
l’allegria delle campane.
E ogni tanto
passavano cantando:
“… avanti popolo
alla riscossa… ”
ma non l’avevano con noi,
Noi non eravamo popolo,
eravamo popolino.
|
