Pumas
de Tien An Men
di Cristoforo Puddu
AMMENTENDHE
Degumadas columbas grogas![4 giugno 1989 blindati in piazza Tien An Men Pechino](../Articoli/Immagini/4_giugno%201989_blindati_in_piazza_tien_an_men_pechino.jpg)
Pesan disamparados bolos
Dae s’atraessu ‘e sos sonnios
Iscutinendhe pumas rujas
Brotadas in su nitzu profanadu
De sa piatza ‘e Tien An Men.
E sa Muràglia Manna
No est reséssida a cuvrenare
Totu sas feridas
Chi testimonzas de isperas
Gallizan lieras -pro sempre –
Saidadas dae unu ‘entu
Chi niune at a poder abbacare.
|