| Punzos
Accoglidu su soddu,
in presse in su bratzu
si 'ócchini sa vida
e curren... a ingullire
farfaruzas de nudda:
s'abblandan sas bémidas,
ojos a moristuda
che franchen sas pelèas,
e s'àndala pedrosa
paret chi torret in paris.
Coment' àrvures ruttas,
biven disamparados
in manos de su fadu,
sos punzos biaittos
istringhen disisperu.
Sun punzos de fizos
pesados a sos bentos,
a sa muda a su mundu,
a ticchirrios pedende
amore, aggiudu e isperas.
|
Pugni
Raggranellato qualche soldo
In fretta nel braccio
s'uccidono la vita
e corrono... a ingoiare
briciole di nulla:
si placano gli affanni,
occhi quasi spenti
allontanano i tormenti,
e sembra ritorni agevole
la strada ingombra di sassi.
Come alberi caduti,
vivono abbandonati
in mano del destino,
lividi i pugni
stringono disperazione.
Sono pugni di figli
ai venti levati,
in silenzio al mondo,
a urla mendicando
amore, aiuto e speranze.
|
