Galanas e bragheras
suni sas vinzas de Mamujada
ando...
hin mesu a ordines de vrùtu atonzinu
a umbras e isperas de sole,
pupujones nigheddos
johana a istichi istichi
hin su virde e su ramene
de sas ozas.
Sos vinzaresos,
hin manos
iscohothas dae su marròne
e ancas postas a rughe dae su travallu,
pesana su vrùtu 'e sa vide
homente pitzinnu in su sinu 'e sa mama.
In sos guturos de sa vidda,
nushu 'e mustiu...
gosu pro sas vuhas...
amentu de antihas sapiessias...
Presente in cada hohile...
batizau "novellu"
homente izu galanu
da' innantis a Zesugrìstu,
Hossolu e hufortu
in sas peleas de sa vida...
de humpanzìa
in momentos de alligria...
ma...
si su Cannonau
no lishis moderare...
ti torrada
brulleri, tzàrrone e...
a bortas
...imbriagone.

2° Premio Sezione Poeti Locali - Al 26° Concorso di Poesia in Lingua sarda "Sant'Antoni de su o'u" - Mamoiada, 22 gennaio 2017