M’incàntani
chintari ciari
e notti villuttaddi
e lu zeru ischuntriosu
candu cara maisthrari
e isthraccu poni fattu
a l’ùsthimi nui curriori, pessi
i’ l’aribari... e chi ipantu lu mari
candu un’occi di sori
isthampa lu zeru
e allumma la marina
di curori.

Si tancu l’occi
astha, che boru
di còibu marinu,
si pesa la duria
di candu asthri dumani sunniàbami,
pissighendi a l’ischuzza
l’isciariu di l’undi
i’ l’oru di lu mari,
dumani chena nui, lìbari,
allegri che noi
...a liazzi l’amori
e dui sosdha soru d’ipiranti.

I’ li labbri
muriggadduri d’ammenti frazzaddi
assauréggiu e sariddu di sari.

Annuadduri isthramaddi
e lampi di puisia
a rùiu azzesu vésthini
li fundari.

1º Premio Sezione Versi Sciolti - 23º Concorso di Poesia in Lingua Sarda - Mamoiada