Vardo
su tempus...sos astros
chi gherran...
e lampan’a monte
e broccan de frinas s’aera
e fisso sas lunas anticas
bestidas de piche
chi pedin perdonu a sa terra.

Vardo sos passos
chi currene lestros
e chircan che frores
sas baddes lontanas
e pranghen sas nues
chi chircan selenu
e brottan chisjnas de gherra.

E brinchio...
sas predas chi allegan
e vardo nuraghes
bestidos a dudas
in mesu sa terra pruminta
perdende in su tempus s’orientu.

Sos dolmen sas janas s’ischidan
e lassan che lazaru frimmu.
su sole ch’isparghet puppadas de luche.

Riacatto selenu perdidu da-e meda
in alas de mundu
e rido pitzinnu...
tra sonos lusingas de su entu
chi broccan
sas campuras birdes de pache.

E biazo...
tra pessos derruttos
a caddu‘e su seculu nou
tra milli fastizos de vida
tra milli funtanas de paches assuttas
tra milli miliares in terra
chi sinzolan galu sa vida prus bella
tra tunchios de lacrimas mudas
chi pranghen chent’annos...e tamban in mesu sas dudas.

Primo Premio Ittireddu anno 2016.