Rosas de brunzu
di Tonino Fancello

all’amico scomparso Mario Fronteddu Serafino di Dorgali

Mustazos de ideas
chi cundannais s’omine a sa sorte
manucros de tropeas
moffet che canna s’anima in sa morte
un’asche de sentidos
toccan sa janna e galu son’ischidos.

Lacrimas d’una ruche.
ispartas in sa neula son carfinde
e coa‘e pedde mutruche
a poddiche puntadu t’it muttinde
su camminu predosu
diventat lisu nou e isperanzosu.

Inue as’a chircare.
s’umana raichina‘e su bisonzu
eternu at’a gosare
su sinnu de sa vida su cantonzu
si prus non b’at lugura
solu s’iscuru cundit s’amargura.

Che lande son falados
e amadricados in sa terra antica
cussos sonnios fadados
chircande torra luche torra istica
in arcanos aerzos
s’han toddiu su ortiche che suerzos.

Iscuttas passizeras.
chi cundannais galu su mementu
de cussas camineras
ispartas’a chisina torra a bentu
son chimeras d’attarzu
las servo che l’has ponzo in d’un’armarzu.

Su tempus t’at negadu.
sos bisos galu ch’in coro tenias
poi t’at regaladu
iscuttas bellas de vida e armonias
che puzone su‘olu
as’ispiccadu in artu solu solu.

Sone rosas de brunzu
chi toco in cussa losa su mementu
istrinta‘alu in su punzu
arrumat s’amichessia a sentimentu
e mancu unu saludu
m’has dadu e ses partidu mudu mudu.

2 –Premio Al Concorso Letterario Regionale di poesia “BROTU SARIPA” Città di Sassari