S'ùrtima binnenna
di Franco Maccioni

Madurana a su soli
budroni d'àxinas nobilis
aspettandi su bingiateri
su dii propiziu
a s 'attesa binnenna.
Si tenner prontas sas tinas
po arriciri s'axina
mentris s'aria mandara
su fragu de su mustu
in unu profùmu inebrianti.
S'itendiri in s'aria
de primu mangiànu
is cantus de giovanas feminas
de pipios che girana allegrusu
tra sos filaris ormai prìvoso
de budronis appena segàdos.
Un'allegria po tottu sa bidda,
aundi 'oxese de atrus tempus
arregordana binnenas
cun festas, cantos e ballos.
A s'orizzònti lùxis de fogu
mentris su mustu in sas tinas
sighiri a indondài
meravigliosos profùmos.
Non esti abbarrau niènti!
Su fogu a destruìu tottu;
matas de annos, erbas odoròrosas,
pobèras domus raras
cun sas bìngias prènas de vida
e cippus generosòs
a pustis sa binnenna.
S'urtima binnenna
po su pòberu bingiatèri,
issu puru ormai destruìu,
sighìu da sa disisperaziòni,
sa conca abbascia in su pèttus
in unu zèrriu d'inchietùdini e de morti!
Cun su tempus su mustu ara cambiai
et insara su binu noèdddu in su càlixi
ada saludàre s'ùrtima binnenna.

Poesia che ha ottenuto una menzione d’onore al Concorso Letterario di Poesia Sarda - 5^ Sagra in Sa Fest’e sa binnenna 2000 - organizzato dall’Associazione Pro-Loco di Monserrato.