S'ampulla 'e pràstica
de Franco Sotgiu
Meses,
arrumbada in s'oru 'e unu riu sicu,
isetande su proere,
s'abba chi prenet sos pojos,
e apoi movet cara a zosso.

S’abba chi la faet iscrafuzire
abell'abellu
unda subra unda
bàntziga, bàntziga
de inie a su mare.

E li mudat sa vida
de ampulla 'e pagu isetu
a barca,
dae s'anneu 'e unu riu sicu
a s'abbolottu de un'otzeanu.

_______________

La bottiglia di plastica

Mesi,
adagiata nella riva di un fiume in secca,
aspettando la pioggia,
l’acqua che riempie le pozze,
e dopo muove verso il basso.

L’acqua che la fa scivolare
piano piano
onda su onda
dondola, dondola
da lì fino al mare.

E le cambia la vita
da bottiglia di poche speranze
a barca,
dalla tristezza di un fiume in secca
all’eccitazione di un’oceano.