Si unu vriu virmas e ti leas
Su tempus netzessitu a la mirare
Dae muntagna vintzas a su mare
Ammajadu de issa tinn’arreas

T’at a parrer de janas e de Deas
Sa terra 'e sos arcanos de amare
Issa sola lu potet conchistare
Su coro sardu chi in pettus impreas

Su sambene ch’iscurret in sa vena
Est sambene naschidu primitiu
Chi bagnesit s’arveschere primore

Aecco aìte tue l’has amore
Est su radiche 'e su sardu natiu
S’anima sarda ch’amus in carena