S’annu 2009
di Larentu Pusceddu

“S’annu 2009
bos batat bonu proe
bos batat su triballu
chi duret chena fallu
finas a sa betzesa
siat sa zentilesa
chi cumandet su rude
bos donet sa salude
e-i sa serenidade
versos bellos cantade
in oche e in cuche
pro s’eternu sa luche
distruat s’iscuricore
pro s’eternu s’amore
bincat totu sas gherras
e su mundu fatu a perras
torret derettu intreu
custu s’auguriu meu
pro sa zente de oe
Bonu 2009 “

Siniscola, 31-12-2008