S’EMIGRADU
(Po sa festa ‘e sos emigraos)

Chei sa rundine, si ponede in bolu
Affrontada sa disaventura
Coraggiosu non tenet paura
No ischit si agatat pane solu.

No est zirare mundu piaghere
A chie est de pane bisonzosu
Dae unu logu miseru e umbrosu
Lassende solos, fizzos e muzzere.

Est penosu a fagher s’emigradu
Dae su nidu a si ponnede in fua
Chilcare su chi sa terra sua
Finas a emigrare, non l’iat dadu.

Sos chi suni ancora in terra anzena
Lassene inie su bonu decoro
Torrene felices a terra insoro
Cun sa salude e sa bussa piena.

Nino Deligia - Bilarzi su 2 de Ennarzu 2005