S’ena presse
di Gigi Piu

A custa edade mi conto mannatzu,
Sun finidos sos giogos e apentos!
E campo remuzende sos ammentos
Fina a cando si segat su ligatzu;

No isco si sa fine est apiatzu
E 'ando s'ena presse a passos lentos,
Timo aflissiones e turmentos
Non de morte, su mortale abbratzu;

M'addoloro ca lasso sos chi istimo
Però sa morte l’afronto serenu
Est parte de sa vida e non la timo;

Lasso s'itinerariu terrenu,
Pedo perdonu, perdono e cumpato,
Ca finit totu cun s'urtimu 'alenu.
...Si so ‘etzu cadruddu ite che fato?

Magumadas Lampadas 2009