S'Ispavaldu
di Gigi Piu

Chie si ’antat non tenet valore
Est faulalzu professionista
Est cantante, poeta e chitarrista
E d’est de launeddas sonadore;

Est binzateri, massagg-e pastore
E curridore de caddos de pista,
Est qualificadu impiantista
De caldagias e pompas de calore;

A boltas si riunin a fiotu
Abboghinende chi parene missos,
Creo chi sun colpados a tirudda;

Biad-a issos ch’ischin fagher totu
E deo lasso fagher tot-a issos,
tantu non tenzo gana ’e fagher nudda.-

Magumandas su 2002