L’an fraicadu de treichi pianos
Chin repartos de donzi zenia
B’est oculistica e chirurgia
Po visitare e operare sos maladios.

In s’undicesimu c’han postu geriatria
Po ricoverare sos antzianos
Est difficile chi n’escian sanos
E chi bi torren un’attera bia.

In su treichi b’est neurologia
Repartu chi est menzus de evitare
A su primu cumbenit de no intrare
Ca b’est su pronto soccorso e psichiatria.

In su secundu b’an fattu su nidu
Ube si bocat sa conca in custu munnu
Si acchirrades azzicu prus a funnu
Tanno azes propriu tottu vidu.

Ma miseru chie intrat a ispidale
Si no est po nn’iscire sanu
Ca si est po ti curare invanu
Menzus a si tennere su male.